1. 北方佳麗新症。問過往有乜病歷，佢話自己切過一邊輸卵管。問佢點解要切，佢竟然話唔知道，醫生冇話係咩問題。佢從來冇性行為所以唔係宮外/孕盆腔炎等等。問佢最尾醫生話切出嚟化驗係啲乜嘢咩？佢話冇講喔。
佢係純定蠢呢？其實會唔會唔係切左輸卵管？乜而家販賣器官要埋條輸卵管架？
2. 北京佳麗2打電話約期。佢姓周，應該串「Zhou」。佢唔識講「Z」呢個英文字母，話似數目字「2」嗰個字母。🤯
補番句佢係大學畢業有番咁上下教育水平⋯⋯中文呀我話🤣～
3.本地男人嘅都唔好得好多。大啦啦一個三張幾嘅人，用一個膠袋包住第二個膠袋再包多個膠袋去包住張身分證。跟著另一個膠袋就包住第二個膠袋就包住第三個膠袋去包住佢D錢。
～～
我哋喺診所被滅聲。淺黃嘅細經理話公司叫大家返工嘅時候避免談論政治。
其實我哋都唔會主動同啲客傾，反而係啲客撩我哋講。一個淺藍老竇同我申話佢深黃囡囡成日走去前線搞到佢好擔心，甚至乎鬧咗場大交。星加坡闊太就置身事外，大聲地話好彩有啲咩事可以用外國護照一走了之。有年青人着聖詩黑衫入嚟攞病假。另外一個吞吞吐吐嘅肥仔想睇咳，最尾原來係吸左催淚彈條氣好唔舒服。
你唔搵政治，政治都會搵你。
～～
送張DIY肥豬仔美國隊長嘅相俾你地打下氣
～～
BTW：呢個blog係用嚟輕輕鬆鬆，笑吓我見到嘅7野。唔好咁認真留言同我講唔好笑人，人哋可能有精神病要俾適合治療佢等等。方丈小氣叫你唔好睇呢個page。🤣
Search